脫「毒」不成│港女聖誕前約男網友見面 AA制食飯上演離奇情節：嬲到我

相約網友見面隨時有「驚喜」！一名港女在網上分享自己日前相約男網友外出的離奇經歷，更力數對方4大罪狀，其中包括遲大到、不懂溝通等。最後，事主形容對方為「毒男」，更大罵道：「抵你一世媾唔到女！」

罪狀一：遲大到

該名港女周二（22日）在網上討論區「連登」以「［警世］今日約咗個男網友，X佢個X嬲X到我！」為題發帖，情緒激動、粗口夾雜地大呻相約男網友外出時的離奇經歷。首先，她表示兩人當日相約中午12時見面，惟對方遲大到，接近1時才到達，

「乜嘢人嚟？一啲誠意都冇，不過我都算數。」

罪狀二：不懂溝通

其後，她著男網友陪她行街睇衫，給予意見。未料，對方全程只懂「嗯、哦、啊，幾好吖，唔錯」，令她大感無奈，「你社交障礙定語言障礙？我都算多嘢講，會撩吓你，但你畀啲咁嘅反應我真係接唔到落去囉。」

睇完衫後，男網友帶她去油麻地看動漫周邊產品。期間，突然有人迎面撞向事主，男網友立即喝止對方。對此，事主表示：

「我心諗：都幾man喎，呢一刻，佢啲語言障礙基本上我都唔記得晒㗎啦。但係，下一秒發生嘅事先令我震驚，完全癲覆咗我對毒男固有嘅思想，可以話係極致。」

罪狀三：離奇行徑

事主指出，原來撞到她的人為一名YouTuber，男網友喝完對方後認岀他，「即刻180度轉軚，話想同佢影相，仲問我識唔識佢，我話唔識，佢竟然仲要我幫手揸機。」其後，她只好按捺著內心的不滿，「諗住食埋餐飯就算數，嗱嗱聲走。」

罪狀四：沒有用餐儀態

由於沒有計劃過用膳地點，事主於是帶男網友到一間烤肉店用餐，未料對方卻說話多多，「去到之後，佢又話之前食過，麻麻哋，我已經冇再岀聲。」而令她最感嘔心的是，男網友用餐儀態極其惡劣，

「佢食到成嘴都係，冇紙巾之餘直接用手抹，我真係大開眼界。」

事主其後補充指，自己一早已發現「唔對路」，中途想過腰斬約會，但還是硬住頭皮繼續，「好彩6點禁堂食，先有得嗱嗱聲早啲食完走」，因此到結賬時她堅持要AA制。她又指出，男網友平時與她在網上聊天時表現正常，「我先接受唔到咁大個反差。」

此事引來網民熱議，有人認為事主經歷十分離奇，質疑其真偽性，「潮文留名」、「成段文完全唔合理，唔多信」，有人又表示：「識網友就係咁㗎啦！」對此，事主無奈地指「真人真事」，又慨嘆道：「我自己都覺得拍緊戲，真係有人會咁樣。」

同場加映：

{{hket:inline-image name="christmas2512202017.jpeg"}}{{/hket:inline-image}}

新冠肺炎疫在本港情肆虐多時，當局呼籲市民在聖誕佳節下保持社交距離，留家抗疫。但在昨晚（24日）平安夜，不少市民無懼疫情，一家大細外出感受節日氣氛，其中尖沙咀更是人頭湧湧。

（↓點擊圖片放大↓）

至於往年每逢佳節都會極為熱鬧的中環蘭桂坊，今年平安夜則盡顯冷清，與往日的盛景可謂是大相逕庭。現場只有零星市民，而警員亦在街上巡邏。

（↓點擊圖片放大↓）

聖誕節暖笠笠今最高21°C，除夕元旦急降溫新界低見5°C，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴